Меню

Кичи футбол боюнча Улуттук илимдер академиясынын кубогу


2021-жылы 20-мартта кичи футбол аянтчасынын ачылышы болуп, спорттук аянтчанын ачылышынын урматына “Кыргыз Республикасынын Улуттук илимдер академиясынын” кубогу үчүн кичи футбол боюнча мелдеш болуп өттү. Мелдеш КР УИАнын илимий-изилдөө институттарынын арасында өттү.

Ачылыш аземине Кыргыз Республикасынын Президентинин кеңешчиси М.О.Букуев, Кыргыз Республикасынын Улуттук илимдер академиясынын президенти М.С. Джуматаев, КР УИАнын илимий-изилдөө институттарынын директорлору жана кызматкерлери катышты.

Мелдеш кызматкерлер арасында дене тарбия жана спортту кеңири жайылтуу, аларды спортко тартуу жана сергек жашоону жайылтуу максатында өткөрүлдү.

Турнирге 5 команда катышты (КР УИАнын Президиуму, Суу маселелери жана гидроэнергетика институту, Биология институту, Химия жана фитотехнология институту, Коомдук илимдер бөлүмү). Бардык командалар чебер оюн көрсөтүшүп, жакшы таймаш болду.

Биринчи орунду КР УИАнын Суу маселелери жана гидроэнергетика институту, экинчи орунду Биология институту, үчүнчү орунду Коомдук илимдер бөлүмү ээледи.

Жеңүүчүлөргө кубок, дипломдор жана сыйлыктар тапшырылды.

 


Шилтемелер