Menu

  

    

 

IMG 3878 12-сентябрда “ Илимге арналган – өмүр”  деген аталыштагы академик Турар Койчуевдин  80 жылдык юбилейине арналган илимий конференция болуп  өттү.

Конференцияны Улуттук илимдер академиясынын президенти Мурат Садырбекович Жуматаев ачып: “Биз бүгүн академиябыздын түптөлүшүнө, өнүгүшүнө зор салымын  кошкон, академиянын президенти болгон академик Турар Койчуевичдин 80 жылдык юбилейин белгилеп атабыз. Турар Койчуевич экономиканы илим катары гана изилдебестен, илимий эмгегин мамлекетти башкарууда колдонгон мамлекеттик ишмер катары да белгилүү. Биздин мамлекет түптөлүп атканда Турар Койчуевичтин жетекчилиги астында жасалган бир топ иштер өлкөбүздүн өнүгүп кетишине зор салымын кошту. Аны үчүн ыраазычылыгыбызды билдиребиз” – деп, мааракенин ээсин куттуктады.

Куттуктоого келген, Кыргызстандын  Жогорку Кенешинин депутаты Бакирдин Жамалович Субанбеков Турар Койчуевичтин жаштарга илимге кызыктырууга кылган аракетин, аны менен сыймыктанаарын айтып: “Сиз экономикага кылган салымыңыз бөтөнчө зор.  Союз тарап, кайсы жолго барабыз деп туңгуюкта турганда туура багыттарды айттыңыз, мамлекеттин өнүгүшүнө өзүңүздүн үлүшүңүздү коштуңуз” – деп, кошумчалап кетти.

IMG 3774    IMG 3859    IMG 3908

Улуттук илимдер академиясынын вице-президенти, корреспондент-мүчөсү Осмон Асанкулович Тогусаков: “Учурда Кыргызстандын коомдук өсүп өнүгүүсү жөнүндө макалалардын сериясы чыгып жатат. Ошол сериянын тогузунчу тому Турар Койчуевичтин юбилейине арналган” – деп, маараке ээсинин кыргыз мамлекеттүүлүгүнүн түзүлүшүнө кошкон салымына токтолуп кетти.

Иш-чарага Тажикстандык, Өзбекстандык окумуштуулар, коомдук жана саясий ишмерлер, ЖОЖдордун окутуучулары, илимпоздор катышты.